देवाची स्तुती करताना, त्याचे गोडवे गाताना...

अभंग क्रमांक: ६७

भक्तऋणी देव बोलती पुराणे । निर्धार वचने
साच करी ।।
मागे काय जाणो आइकिली वार्ता । कबिरासाते जाता
घडिया वांटी ।।
माघारिया धन आणिले घरासी । ने घे केला
त्यासी त्याग तेणे ।।
नामदेवाचिया घरासी आणिले । तेणे लुटविले
द्वीजा हाती ।।
प्रत्यक्षासी काय द्यावे हे प्रमाण । एकोबाचे ऋण
फेडीयले ।।
बीज दळोनिया केली आराधना । लागे नारायणा
पेरणे ते ।।
तुका म्हणे ऐसा नाही जया निर्धार । नाडला साचार
तोचि एक ।।