तुकाराम महाराज म्हणतात असा हा सर्व शास्त्रांचे सार असलेला आणि चारही वेदांची रचना करणारा हा विठ्ठलच आता आमचा सखा किंबहुना प्राणसखा झाला आहे, आमचा सोबती झाला आहे. त्यामुळे आम्हांला आता इतर कोणाचीही आस उरलेली नाही.
आणि हे देखील केवळ त्याच्या नामामुळे शक्य झाले. म्हणजेच असे हे त्याचे हे नाम आम्ही उराशी सतत बाळगल्याने आणि सदैव कंठी ग्रहण केल्यानेच हे शक्य झाले.
आणि एवढेच नव्हे तर अशा ह्या त्याच्या नामामुळे केवळ तोच नव्हे नव्हे तर इतर सर्वचजण देखील आता आमचे सोबती झाले आहेत.
आणि हे कमी म्हणून की काय, ज्याची सगुण आणि निर्गुण अशी दोन्ही रुपे आहेत, जो आकलनातीत, परातीत आहे तो आमच्या सोबत रोज क्रीडा देखील करतो, खेळतो, आमचे मनोरंजन करतो. आणि जीवाला जीव देणाऱ्या एखाद्या मित्राप्रमाणे आमच्या सदैव पाठीशी असतो. सर्व परिस्थितीत आमचे सहाय्य करतो. अ शारीतीने सतत आमच्या सोबतच असतो.
त्यामुळे आम्हाला आता इतर कोणाच्याही मैत्रीची गरज भासत नाही.
ते शेवटी म्हणतात त्यामुळे आम्हीच आता आमच्या विधीचे जनिते झालो असून आम्ही स्वयंभूच झालो आहोत. आणि ही स्थिति आम्हीच आमच्या कर्मामुळे प्राप्त केली आहे. आमच्या पुण्याच्या जोरावर आम्हीच या पदाला गवसणी घातली आहे.
आम्हाला हे पद, ही अवस्था आयती मिळाली नसून आम्ही स्वतःच ती आमच्या हाताने आम्ही घडवली आहे.
म्हणजेच या पदावर आम्हाला कोणीही आणून आयते बसविलेले नाही. आम... Read More

तुकाराम महाराज म्हणतात असा हा सर्व शास्त्रांचे सार असलेला आणि चारही वेदांची रचना करणारा हा विठ्ठलच आता आमचा सखा किंबहुना प्राणसखा झाला आहे, आमचा सोबती झाला आहे. त्यामुळे आम्हांला आता इतर कोणाचीही आस उरलेली नाही.

आणि हे देखील केवळ त्याच्या नामामुळे शक्य झाले. म्हणजेच असे हे त्याचे हे नाम आम्ही उराशी सतत बाळगल्याने आणि सदैव कंठी ग्रहण केल्यानेच हे शक्य झाले.

आणि एवढेच नव्हे तर अशा ह्या त्याच्या नामामुळे केवळ तोच नव्हे नव्हे तर इतर सर्वचजण देखील आता आमचे सोबती झाले आहेत.

आणि हे कमी म्हणून की काय, ज्याची सगुण आणि निर्गुण अशी दोन्ही रुपे आहेत, जो आकलनातीत, परातीत आहे तो आमच्या सोबत रोज क्रीडा देखील करतो, खेळतो, आमचे मनोरंजन करतो. आणि जीवाला जीव देणाऱ्या एखाद्या मित्राप्रमाणे आमच्या सदैव पाठीशी असतो. सर्व परिस्थितीत आमचे सहाय्य करतो. अ शारीतीने सतत आमच्या सोबतच असतो.

त्यामुळे आम्हाला आता इतर कोणाच्याही मैत्रीची गरज भासत नाही.

ते शेवटी म्हणतात त्यामुळे आम्हीच आता आमच्या विधीचे जनिते झालो असून आम्ही स्वयंभूच झालो आहोत. आणि ही स्थिति आम्हीच आमच्या कर्मामुळे प्राप्त केली आहे. आमच्या पुण्याच्या जोरावर आम्हीच या पदाला गवसणी घातली आहे.

आम्हाला हे पद, ही अवस्था आयती मिळाली नसून आम्ही स्वतःच ती आमच्या हाताने आम्ही घडवली आहे.

म्हणजेच या पदावर आम्हाला कोणीही आणून आयते बसविलेले नाही. आम्ही ती आमच्या कर्माचे बळावर हे सर्व निर्माण केलेले आहे.

Show Less